Latest Post
Home / Famous Shayar / Aanis Moeen / Aanis Moeen | Ho Jaayegi Jab Tum Se Shanasaai Zara Aur !!

Aanis Moeen | Ho Jaayegi Jab Tum Se Shanasaai Zara Aur !!

Ho jaayegi jab tum se shanasaai zara aur,
badh jaayegi shayad meri tanhaai zara aur.

Kyon khul gaye logon pe meri zaat ke asraar,
aey kaash ki hoti meri gehraai zara aur.

Phir haath pe zakhmon ke nishaan gin na sakoge,
ye uljhi hui door jo suljhai zara aur.

Tardeed toh kar saktaa tha phailegi magar baat,
iss taur bhi hogi teri ruswaai zara aur.

Kyon tark-e-taalluq bhi kiya laut bhi aaya?
achchha tha ki hota jo woh harjaai zara aur.

Hai deep teri yaad ka raoshan abhi dil mein,
ye khauf hai lekin jo hawa aayi zaraa aur.

Ladna wahin dushman se jahan gher sako tum,
jeetoge tabhi hogi jo paspaai zara aur.

Badh jaayenge kuchh aur lahoo bechne waale,
ho jaaye agar shehar mein mehngaai zara aur.

Ek dubti dhadkan ki sadaa log na sun lein,
kuch der ko bajne do ye shehnai zara aur. !!

– Aanis Moeen Poetry Collection’s

Review

User Rating: 4.94 ( 22 votes)

Check Also

Top 20 Latest ans Best Dard Bhari Hindi Shayari

Latest Dard Bhari Hindi Shayari, Sad Hindi SMS, FB Status, Messages

Top 20 दर्द भरी हिंदी शायरी, Best Dard Bhari Hindi Shayari, Sad FB Status, SMS …

Leave a Reply

Your email address will not be published. Required fields are marked *