Home / Famous Shayar / Hai Kushaad-E-Khaatir-E-Wa-Basta Dar Rahn-E-Sukhan….

Hai Kushaad-E-Khaatir-E-Wa-Basta Dar Rahn-E-Sukhan….

Yaad hai shaadi mein bhi hungama-e-ya-rab mujhe,
subha-e-zaahid hua hai khanda zer-e-lab mujhe.

Hai kushaad-e-khaatir-e-wa-basta dar rahn-e-sukhan,
tha tilism-e-qufl-e-abjad khaana-e-maktab mujhe.

Yaa rab iss aashuftagi ki daad kis se chaahiye,
rashk aasaaish pe hai zindaaniyon ki ab mujhe.

Taba hai mushtaaq-e-lazzat-ha-e-hasrat kya karun,
aarzoo se hai shikast-e-aarzoo matlab mujhe.

Dil laga kar aap bhi ‘ghalib’ mujhi se ho gaye,
ishq se aate the maane mirza saahib mujhe. !!

Mirza Ghalib

User Rating: 4.96 ( 14 votes)

Check Also

Abdul Hamid Adam | Girte Hain Log Garmi-E Bazaar Dekh Kar !!!!

Girte hain log garmi-e bazaar dekh kar, sarkaar dekh kar meri sarkaar dekh kar. Aawaargi …

Leave a Reply

Your email address will not be published. Required fields are marked *